Մոսկվայում ավարտվել է Ռուսաստանի նախագահ Վլադիմիր Պուտինի ամենամյա մամուլի ասուլիսը: Ռուսական և միջազգային ԶԼՄ-ների ներկայացուցիչների հետ 4 ժամ տևած զրույցում Պուտինն անդրադարձել է երկրի ներքին խնդիրներին, Մերձավոր Արևելքում տիրող իրավիճակին, Հալեպի ազատագրմանը, ռուս-թուրքական հարաբերությունների հեռանկարին, ինչպես նաև Արևմուտքի հետ Ռուսաստանի հարաբերություններին:
Մասնավորապես, անդրադառնալով Եվրասիական տնտեսական համագործակցության մեջ երկրների ոչ համաչափ զարգացմանը, Պուտինն ասել է, որ «բոլոր երկրների համար շահավետ է այն, ինչ մենք անում ենք այդ պետությունների ինտեգրման հարցում»:
Խոսելով Անկարայում Ռուսաստանի դեսպանի սպանության մասին՝ Պուտինը դա որակել է որպես «ոտնձգություն ռուս-թուրքական հարաբերությունների նկատմամբ»: Շեշտելով, որ իրավիճակը տվյալ դեպքում տարբերվում է ռուսական Սու-24 օդանավի խոցման դեպքից, Ռուսաստանի նախագահը միաժամանակ կասկած է հայտնել՝ միգուցե այն ժամանակ էլ «ոչ կառուցողական տարրերից մեկը» ներխուժել է կենտրոն և ռուսական կործանիչը խոցելու հրահանգ տվել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
