«Էական փոփոխություններ չկան, 100 օրն էլ բավարար չէ՝ վերջնական գնահատական տալու համար»,-այսօր «Թրանսփարենսի Ինթերնեշնլ հակակոռուպցիոն կենտրոն»-ի կազմակերպած «ՀՀ վարչապետի 100 oրը» խորագրով քննարկման ժամանակ Aravot.am-ի եւ Armlur.am-ի հետ զրույցում ասաց տնտեսագետ, ՀԱԿ անդամ Վահագն Խաչատրյանը՝ խոսելով ՀՀ վարչապետ Կարեն Կարապետյանի պաշտոնավարման 100 օրվա արդյունքների մասին:
«Ցանկություններից բացի, փոփոխություններ չենք տեսնում՝ լինի բիզնես-միջավայրում, կադրային քաղաքականության, թե ծախսերի արդյունավետության մեջ: Կան ցանկություններ, որոնք իրականություն չեն կարողանում դառնալ, որովհետեւ դրանց տակ չկան ֆինանսներ եւ օրենսդրական փոփոխություններ»,-հավելեց տնտեսագետը:
Վահագն Խաչատրյանը նշեց, որ կառավարության նիստերին եւ վարչապետի հանձնարարականներին հետեւելով՝ տպավորություն է, որ ոչ թե կառավարության նիստում ես գտնվում, այլ որեւէ մեծ ձեռնարկության «դիսպետչերական» հանդիպմանը:
Այլ մանրամասները՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
