ՀՀ Ազգային ժողովն այսօր ավարտեց արտահերթ նստաշրջանի աշխատանքները: Մինչ այդ, քվեարկության դրվեցին արտահերթում քննարկված նախագծերը:
«Պետական տուրքի մասին օրենքում» փոփոխություններ ու լրացումներ կատարելու մասին նախագիծն առաջին ընթերցմամբ ընդունվեց 81 կողմ, 6 դեմ և 17 ձեռնպահ ձայների հարաբերակցությամբ:
78 կողմ, 24 դեմ և 2 ձեռնպահ ձայների հարաբերակցությամբ վավերացվեց նաեւ ՀՀ կառավարության և Զարգացման ֆրանսիական գործակալության միջև վարկային համաձայնագիրը վավերացնելու հարցը: Այս համաձայնագրով Հայաստանը 40 միլիոն եվրո վարկ է վերցնում:
ՀՀ-ի և Զարգացման և վերակառուցման միջազգային բանկի միջև 2016 թվականի դեկտեմբերի 9-ին ստորագրված զարգացման քաղաքականության 4-րդ վարկային համաձայնագիրը վավերացնելու հարցն ընդունվեց 78 կողմ, 23 դեմ, 3 ձեռնպահ ձայների հարաբերակցությամբ:
Կարճ քննարկումից հետո, երկրորդ ընթերցմամբ եւ ամբողջությամբ, քվեարկության դրվեց նաեւ «Պետական տուրքի» մասին ՀՀ օրենքում փոփոխություններ և լրացումներ կատարելու մասին հարցը: Այն ընդունվեց 81 կողմ, 5 դեմ, 16 ձեռնպահ հարաբերակցությամբ:
Կարդացեք նաև
Նելլի ԳՐԻԳՈՐՅԱՆ
