«Սա շատ խնդիրների լուծում է»,- արդարադատության նախարար Արփինե Հովհաննիսյանը լրագրողների հետ հանդիպման ընթացքում այսպես ներկայացրեց միասնական գրասենյակների ծրագիրը:
«Բոլորդ առնչված կլինեք տարբեր տեսակի փաստաթղթերի՝ ամուսնական կարգավիճակի վերաբերյալ տեղեկանք, ամուսնության բացակայության վերաբերյալ տեղեկանք, այսպես կոչված չդատվածության տեղեկանքը, իրավաբանական անձ գրանցելը: Հաճախ մարդիկ գնում էին պետական մարմիններ, ունենում օբյեկտիվ կամ սուբյեկտիվ դժգոհություններ,
հաճախ ստիպված էին լինում գնալ մի քանի պետական մարմին 1 թուղթ պատրաստի ունենալու համար: Այսօր դա այլեւս պարտադիր չէ: Մենք հնարավորություն ենք տվել, որ օպերատորների միջոցով՝ բանկերի կամ «Հայփոստի» գրասենյակների միջոցով քաղաքացին կարողանա մտնել մեկ տեղ, վերադառնալ նույն տեղը եւ ստանալ փաստաթուղթը՝ կնքված, պատրաստի վիճակում՝ հաստատված, թարգմանված»,- ասաց նա:
Արփինե Հովհաննիսյանը ընդգծեց, որ այս նորամուծությունը կարեւոր է հեռավոր բնակավայրների բնակիչների համար, որոնք այդ մի փաստաթղթի համար ստիպված էին լինում կիլոմետրեր անցնել: Նման գրասենյակներ կան Գյումրիում, Գառնիում, ուրբաթ՝ դեկտեմբերի 23-ին, կբացվի նաեւ Էջմիածնում:
Կարդացեք նաև
Ամի ՉԻՉԱԿՅԱՆ
