Երեկ քրեական վերաքննիչ դատարանում նշանակվել էր Հայաստանի նախկին ՆԳ նախարար Վանո Սիրադեղյանի գործով ցմահ ազատազրկման դատապարտված Արմեն Տեր-Սահակյանի բողոքի քննությունը:
Նախագահողը՝ դատավոր Մխիթար Պապոյանն արձակուրդի մեջ էր, հետեւաբար դատարանից տեղեկացվել էր հարազատներին, որ բողոքի քննությունը նշանակվել է գալիք տարվա հունվարի 16-ին:
Նշենք, որ ցմահ ազատազրկվածն արդեն քսանմեկ օր է, ինչ դիմել է բողոքի ծայրահեղ միջոցի՝ հացադուլի:
Հացադուլը պայմանավորված է Էրեբունի եւ Նուբարաշեն վարչական շրջանների ընդհանուր իրավասության դատարանի կայացրած որոշմամբ, համաձայն որի՝ նրա՝ դրական բնութագիր ունեցողի վաղաժամկետ ազատման դիմումը մերժվեց, ըստ էության վարչակազմը մեկ տարով հետաձգեց հարցի լուծումը:
Կարդացեք նաև
Արմեն Տեր-Սահակյանը պահանջում է, որպեսզի հանդիպի ՀՀ նախագահի վերահսկողական ծառայության պետ Ֆելիքս Ցոլակյանի հետ:
Հացադուլի ողջ ժամանակահատվածում, մեր տեղեկություններով, որեւէ պաշտոնատար անձ դեռ չի հանդիպել դատապարտյալին:
Ռ. Մ.
Նկարը՝ հեղինակի
«Առավոտ»
22.12.2016
