Թուրքիայում Ռուսաստանի դեսպան Անդրեյ Կարլովի սպանության պատասխանատվությունը ստանձնել է սիրիական «Ջեյշ ալ-Ֆաթհ» (նախկինում՝ «Ջաբհաթ ալ-նուսրա») զինված կոալիցիան, որը մի շարք երկրներում ճանաչված է որպես ահաբեկչական կազմակերպություն: Այս մասին գրում է «ՌԻԱ Նովոստին»՝ հավելելով, որ կոալիցիան գործում է հիմնականում Սիրիայի Իդլիբ նահանգում:
Զինյալների տարածած հայտարարության մեջ նշվում է, որ դեսպանին սպանած ոստիկան Մևլութ Մերթ Ալթինթաշը եղել է իրենց շարքերում:
Ավելի վաղ Թուրքիայի իշխանությունները հայտարարել էին, որ սպանությունը կարող է կազմակերպված լինել գյուլենականների կողմից:
Հիշեցնենք, Թուրքիայում Ռուսաստանի դեսպան Անդրեյ Կարլովը սպանվել է դեկտեմբերի 19-ին՝ Անկարայում լուսանկարների ցուցահանդեսի բացմանը: Դեսպանի վրա կրակելուց հետո մարդասպանն արաբերենով ակնարկել էր, որ դա վրեժ է Սիրիայի համար:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
