Երևանի ավագանին հավանություն է տվել «Փարքինգ Սիթի Սերվիս» ՓԲԸ բաժնետոմսերը նվիրատվություն ընդունելու մասին որոշման նախագծին

Երևանի ավագանու դեկտեմբերի 21-ին գումարված արտահերթ նիստում, որը վարել է Երևանի քաղաքապետ Տարոն Մարգարյանը, ավագանին քվեարկությամբ հավանություն է տվել «Փարքինգ Սիթի Սերվիս» փակ բաժնետիրական ընկերության բաժնետոմսերը որպես նվիրատվություն ընդունելու և այդ բաժնետոմսերը հավատարմագրային կառավարման հանձնելու մասին որոշման նախագծին։

Հիշեցնենք, որ «Փարքինգ Սիթի Սերվիս» և «Լոկատոր» ընկերությունների հետ բանակցությունների արդյունքում սեփականության ձևով պայմանավորված նրանց գործառույթները, այդ թվում վճարովի ավտոկայանատեղերի տեղական տուրքի գանձման արդյունքում առաջացող ֆինանսական հոսքերի տնօրինումն ու կառավարումը անցել է համայնքային կառույցներին:

Արտահերթի նիստի օրակարգում ներառված մյուս հարցերը նույնպես արժանացել են Երևանի ավագանու հավանությանը:

Նիստի ավարտին Երևանի քաղաքապետի խորհրդական Գագիկ Բաղդասարյանը ներկայացրել է Երևանի ավագանու 2016թ. գործունեության հաշվետվությունը:

Կարդացեք նաև

Շատ ուրախ ենք Բախշյանի համար, սեղանը կգցենք, թող գա էլի ավագանի. Նաիրա Նահապետյան. «Հրապարակ»

• 12:09 08.04.2017

«Փարքինգ Սիթի Սերվիսը» 170 միլիոնի վնաս է կրել. Ընկերության պարտքերը պետությունը կփակի

• 20:40 16.11.2016

«Փարքինգ Սիթի Սերվիսն» 100%-ով եւ իր վարկերով կանցնի քաղաքապետարանին

• 18:45 16.11.2016

Երևանի ավագանու հաջորդ՝ 9-րդ նստաշրջանի 1-ին նիստը, տեղի կունենա 2017թ. փետրվարի 14-ին՝ ժամը 11:00-ին:

Երևանի քաղաքապետարանի մամլո հաղորդագրություն