Տարիներ ի վեր բանանի շուկայում ստեղծված մենաշնորհի պատճառով մեր երկրում բանանի գինը՝ կախված այս մրգի չափսից ու որակից, 850-ից 1000-1200 դրամ է եղել: Մինչդեռ արդար մրցակցային միջավայրի պայմաններում այն, ըստ մասնագետների, պետք է 550-650 դրամ լիներ:
Պետական եկամուտների կոմիտեն մոտ մեկ ամիս առաջ հայտարարեց, որ մրցակցության արդյունքում բանանի գինը 200 դրամով նվազել է: Եթե հաշվի առնենք, որ հոկտեմբերին մեկ կիլոգրամ բանանն, ըստ ԱՎԾ տվյալների, արժեցել է մոտ 880 դրամ, ապա հանգիստ կարելի է փաստել, որ բանանն ամենեւին էլ չի էժանացել: Երեկվա դրությամբ միջին կարգի բանանի մեկ կիլոգրամը սուպերմարկետում արժեր 830 դրամ: Լավորակ բանանը կրկին 1000-1200-ով է վաճառվում: Տպավորություն է, թե ՊԵԿ-ին «չքաշելու» համար բանան վերավաճառողները պայմանավորվել են գոնե ԱՎԾ հրապարակած թիվը չգերազանցել:
ԼՈՒՍԻՆԵ ԲՈՒԴԱՂՅԱՆ
Կարդացեք նաև
«Առավոտ»
21.12.2016
