Թուրքիայում Ռուսաստանի դեսպանի սպանության դեպքը հայության շրջանում հուզական էր մեկնաբանվում՝ «տեսնես ինչ կլինի» շեշտադրմամբ: Այս մասին այսօր ՀՀԿ գրասենյակում լրագրողների հետ հանդիպմանն ասաց ՀՀԿ փոխնախագահ Արմեն Աշոտյանը:
«Մեր մեկնաբանները շտապում են: Հայկական քաղաքական սեգմենտը, հետեւելով ռուս-թուրքական կոնֆլիկտի հնարավորությանը, առաջին ժամերին ադեկվատ չէր: Մի բան պարզ է՝ ոչ ռուս-թուրքական բախումներից, ոչ էլ ալյանսներից ՀՀ-ն երբեք չի շահել, որովհետեւ տարածաշրջանային լարվածությունները մարտահրավերներ են ՀՀ-ի համար»,-կարծիք հայտնեց Արմեն Աշոտյանը:
Անդրադառնալով վաղը Իրանի նախագահ Հասան Ռոհաննի՝ ՀՀ կատարելիք այցին, Արմեն Աշոտյանը կարծիք հայտնեց, որ նախագահների մակարդակով հանդիպումը պատմական հնարավորություն է՝ ամրապնդելու ՀՀ-Իրան կապերն այնտեղ, որտեղ երկու երկրների շահերը համընկնում են:
Կարդացեք նաև
Մանրամասն՝ տեսանյութում
Լուիզա ՍՈՒՔԻԱՍՅԱՆ
