Գերմանիայի դաշնային սահմանադրական դատարանը մերժել է մի շարք բողոքներ՝ ուղղված բունդեսթագի կողմից Հայոց ցեղասպանությունը ճանաչող բանաձևի դեմ: Այս մասին գրում է Deutsche Welle-ն:
Դատարանի վճիռներից մեկում ասվում է, որ հայցում համոզիչ չէ շարադրված՝ ինչու է բունդեսթագի այդ որոշումը խախտում քաղաքացիների իրավունքները: Դատարանի կարծիքով՝ Գերմանիայում ապրող ծագումով թուրք հայցվորի իրավունքների խախտումները «հավանական չեն թվում»:
Այն բանից հետո, երբ 2016թ. բունդեսթագը բանաձև ընդունեց Հայոց ցեղասպանության վերաբերյալ, այդ բանաձևի դեմ Դաշնային սահմանադրական դատարան հայցով դիմել է Թուրքիայի 8 քաղաքացի, որոնցից մի քանիսն ապրում են Գերմանիայում: Դատարանը մերժել է բոլոր 8 բողոքները նույնանման պատճառաբանությամբ՝ դրանք վարույթ չընդունելով:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
