«Ադրբեջանն Իրանին չի կարող վախեցնել, նույնն էլ` Իսրայելը: Խնդիրը հռետորաբանության մեջ է»,-«Հայացք» մամուլի ակումբում այսօր ասաց իրանագետ Գոհար Իսկանդարյանը՝ անդրադառնալով Ադրբեջանի կողմից հնչած սպառնալիքներին, թե «եթե Ռոհանին այցելի ՀՀ, Ալիեւը կմեկնի Իսրայել»:
Aravot.am-ը հետաքրքրվեց՝ Իսրայելի վարչապետ Բենիամին Նաթանյահուի՝ Բաքու կատարած այցի համատեքստում Իսրայել-Ադրբեջան ռազմատեխնիկական գործակցության խորացումը որքանո՞վ է ուղղված նաեւ ՀՀ բարեկամ Իրանի դեմ:
«Իրանը բավականին սուր արձագանքեց, երբ Բաքվում հայտարարվեց, որ հինգ միլիարդ դոլարի զենքի գնում պետք է կատարվի: Իրանը հայտարարեց, որ նման գործողությունները սպառնում են Իրանի ազգային անվտանգությանը: Սա զգոնության կոչ է, որ սպառնալիքը միայն Հայաստանի դեմ չէ ուղղված»,-պատասխանեց Գոհար Իսկանդարյանը:
Նա հիշեցրեց, որ ապրիլյան ռազմական գործողությունների ժամանակ Ադրբեջանը գործի դրեց իսրայելական ԱԹՍ-ները, որոնք նաեւ Իրանի սահմաններն են վերահսկում եւ տեղեկատվություն փոխանցում Իսրայելին. «Իսրայելն ու Ադրբեջանը թշնամի պետություններ են: ԱԱԾ ոլորտում ՀՀ-ի եւ Իրանի միջեւ համագործակցության հնարավորություններ կան»:
Կարդացեք նաև
Լուիզա ՍՈՒՔԻԱՍՅԱՆ
