Երևանի պետական լեզվահասարակագիտական համալսարանի (ԵՊԼՀ) լավագույն ուսանողը Գոհար Մնացականյանն է, իսկ ամենաակտիվ ուսանողի տիտղոսն այս տարի կկրի Ժենյա Տեր-Վարդանյանը:
Դեկտեմբերի 19-ին տեղի ունեցած հանդիսավոր արարողությանն ամփոփվեցին նաև «ԵՊԼՀ լավագույն ֆակուլտետային ուսանողական խորհուրդ 2016», «ԵՊԼՀ ՈՒԽ լավագույն հանձնաժողով 2016» մրցույթները:
Այս տարի առաջին անգամ բուհն ընտրեց նաև ամենաակտիվ դասախոսին: Միջոցառման երկրորդ հատվածում իրենց ուսանողական գրքույկները ստացան բուհի առաջին կուրսեցիները:
Տեղեկացնենք, որ մրցանակաբաշխությունը կազմակերպել են ՀԵՀ-ը և բուհի ուսանողական խորհուրդը:
Կարդացեք նաև
«ԵՊԼՀ լավագույն ուսանող 2016» մրցանակաբաշխության ժամանակ լավագույններին ընտրության ընթացքում առաջնային չափանիշներն են ուսանողի առաջադիմությունը, կատարած հետազոտական աշխատանքը և հասարակական ակտիվությունը:
Բուհի ռեկտոր Գայանե Գասպարյանը, շնորհավորելով լավագույններին, ցանկացավ, որ աստղերին հասնելու ճանապարհը նրանք անցնեն առանց տանջանքների՝ հակառակ հին հռոմեացիներ ասույթի:
Մինչ հասարակական ակտիվություն ցուցաբերած ուսանողների պարգևատրումը ՀԵՀ հոգաբարձուների խորհրդի համակարգող, ՀՀ ԱԺ պատգամավոր Կարեն Ավագյանը խոնարհումի և շնորհակալության խոսք հղեց բոլոր այն քաջորդիներին, ովքեր իրենց կյանքով, սխրանքներով ապահովեցին մեր երկրի խաղաղությունը, օլիմպիական չեմպիոններին և ընդհանրապես այն բոլոր երիտասարդներին, ովքեր կարողանում են մեր երկրի պատիվը բարձր պահել: Այնուհետև հավաստիացրեց. «Լավագույն ուսանողը միայն լավ սովորող ուսանողը չէ, միայն գիտությամբ զբաղվող ուսանողը չէ, այլև հասարակական ակտիվություն ունեցող ուսանողն է: Դուք սովորում եք ձեզ համար, գիտությամբ եք զբաղվում ձեզ համար, միայն հասարակական աշխատանքն է, որ իրականացնում եք շրջապատող մարդկանց համար: Երբեք չթերագնահատեք ձեր այդ աշխատանքը: Այն մարդիկ, որոնք ունենալով գիտելիքներ ու նվաճումներ, կարողանում են նաև հասարակական աշխատանքով առանձնանալ, իրենք, իրոք, լավագույնն են:
Կարեն Ավագյանը փաստեց, թե տարբեր բուհերում «Լավագույն ուսանող» մրցանակաբաշխությունն իրականացվում է տարբեր ձևաչափով, բայց սկզբունքը մեկն է՝ խրախուսել լավ սովորող, ակտիվ և գիտությամբ զբաղվող ուսանողներին:
Հայաստանի երիտասարդական հիմնադրամի
հասարակայնության հետ կապերի ծառայություն
