«Մեծ ուշադրություն ենք դարձնում նորակոչիկների առողջական վիճակի վերլուծության եւ փորձաքննության հարցերին: Նախորդ զորակոչի արդյունքները բավականին տպավորիչ են: 157 միջնորդագիր ներկայացրեցինք, արդյունքում՝ ծառայության պիտանելիության մասին 48 փորձաքննական եզրակացություններ վերանայվել են: Սա ուղղակիորեն նպաստում է կոռուպցիոն ռիսկերի նվազեցմանը»,-Aravot.am-ի հետ զրույցում անդրադառնալով առաջիկա ձմեռային զորակոչին՝ ասաց ՀՀ պաշտպանության նախարարին առընթեր հասարակական խորհրդի հովանու ներքո ստեղծված՝ ձմեռային զորակոչի ընթացքում քաղաքացիների դիմումների եւ բողոքների քննարկման հանձնաժողովի նախագահ, պաշտպանության նախարարի խորհրդական Գեղամ Հարությունյանը:
Նրա հավաստմամբ՝ առհասարակ զորակոչի շրջանակում ներդրված միջոցառումները, այդ թվում՝ վիճակահանությունը եւ վերահսկողական մեխանիզմները, նպաստում են կոռուպցիոն ռիսկերի բացառմանը: «Գործընթացը պետք է զերծ մնա նման վտանգներից»,-ասաց նա:
Այլ մանրամասները՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
