«Ես իրեն չեմ ընդունել, ես միշտ էլ նրա՝ Հայաստանի կառավարման շրջանում, Լեւոն Տեր-Պետրոսյանի տեսակետը չեմ ընդունել»,- Aravot.am-ի հետ զրույցում, անդրադառնալով ՀԱԿ համագումարի ընթացքում Հայաստանի Հանրապետության առաջին նախագահ Լեւոն Տեր-Պետրոսյանի ելույթին, ասաց Ազգային ժողովի պատգամավոր Վահագն Մախսուդյանը:
Նա հավելեց. «Այդ ամեն ինչը խարսխված է 1996 թվականից, երբ Վազգեն Մանուկյանը ընտրվեց նախագահ, նրանք չհանձնեցին, եւ այսպես Հայաստանում տարօրինակ իրավիճակ ստեղծեցին մինչեւ այսօր: Չեմ կարծում, որ ժողովուրդը նրանց իր վստահության քվեն կտա, բայց առաջիկա ընտրությունները ցույց կտան»:
Վահագն Մախսուդյանը առանձնացրեց առաջին նախագահի այն հայտարարությունը, թե Ղարաբաղի հարցի լուծման բանալին Ռուսաստանի ձեռքերում է. «Կոնֆլիկտի լուծումով Մինսկի խումբն է զբաղվում, այնտեղ 3 պետություններ են՝ Ռուսաստան, Ֆրանսիա, Ամերիկա, ո՞նց է միայն Ռուսաստանը: Լեռնային Ղարաբաղի հակամարտության հարցը Մինսկի խմբինն է»:
Իսկ անդրադառնալով այն հատվածին, թե հակամարտության կարգավորման այլ տարբերակ գոյություն չունի քան փոխզիջումը, Վահագն Մախսուդյանն ասաց. «Նայած՝ ինչ փոխզիջում: Եթե սկզբից Ղարաբաղի կարգավիճակը պիտի որոշվի, նոր փոխզիջումների մասին խոսեն: Իրենք ասում են փոխզիջումներ դուք արեք, նոր Ղարաբաղի հարցը կլուծենք: Իսկ մեր Հանրապետության այսօրվա նախագահը այդ տեսակետից շատ ճիշտ է վարվում, որ ասում է՝ Ղարաբաղի կարգավիճակը լուծվի, նոր փոխզիջումների հարցը կարգավորվի»:
Կարդացեք նաև
Ամի ՉԻՉԱԿՅԱՆ
