ՀԱԿ անդամ Աշոտ Սարգսյանն այսօր կուսակցության համագումարում ներկայացրեց ՀԱԿ բանաձեւը, որը պետք է դրվի քննարկման: Այն առաջնահերթ ներկայացնում է կուսակցության գործունեության արդյունքները, ապա՝ ներքաղաքական իրավիճակը եւ կուսակցության անելիքները:
«Աղքատությունը, հայտարարված 30%-ի փոխարեն, իրականում հասել է 75%-ի: Կազմակերպված թալանը քամել է երկրի կենսական հյութերը՝ պետությանը հասցնելով տնտեսական աղետի՝ դեֆոլտի եզրին: Վաղուց արդեն աղետալի չափերի է հասել՝ 50 000 մարդ տարեկան: Այն ազգային անվտանգության թիվ մեկ խնդիրն է»,-ներկայացնելով բանաձեւը՝ ասաց Աշոտ Սարգսյանը:
Նրա բնորոշմամբ՝ ՀԱԿ-ն առաջնահերթ խնդիրներ է համարում յուրաքանչյուրին հասցնել այն գիտակցմանը, որ ԱԺ առաջիկա ընտրությունները նշանակալից են ՀՀ-ի համար. «Մեր խնդիրներից է նաեւ համախմբել առողջ, ազգային շահերի հիման վրա մտածելակերպ ունեցող քաղաքական կառույցներին, հ/կ-ներին, գործարարներին, մտավորականներին՝ իշխանափոխության հասնելու նպատակով»:
Հավելենք, որ բանաձեւը ներառում է նաեւ ՀԱԿ նախընտրական պլատֆորմի հիմնական դրույթները: Այդ մասին՝ քիչ ուշ:
Կարդացեք նաև
Լուիզա ՍՈՒՔԻԱՍՅԱՆ
