ՀՀ Վերաքննիչ քրեական դատարանում այսօր Ավետիսյանների ընտանիքի սպանության գործով Շիրակի մարզի ընդհանուր իրավասության դատարանի՝ 2016 թ. օգոստոսի 23-ի վճռի դեմ ներկայացված վերաքննիչ բողոքի քննության ավարտին կողմերն այլեւս միջնորդություններ չունեին ներկայացնելու:
Տուժողի իրավահաջորդի ներկայացուցիչ, փաստաբան Երվանդ Վարոսյանն Aravot.am-ի հետ զրույցում ասաց. «Մենք բողոք էինք ներկայացրել քաղաքացիական հայցը վարույթ չընդունելու մասով: Այսինքն՝ այն մասով, որ Պերմյակովը մեղավոր է ճանաչվել եւ դատապարտվել ցմահ ազատազրկման, մենք, բնականաբար, բողոք չունենք: Մեր բողոքը վերաբերում էր ՌԴ դեմ ներկայացրած քաղաքացիական հայցն առաջին ատյանի դատարանի կողմից վարույթ չընդունելու հանգամանքին:
Շիրակի մարզի ընդհանուր իրավասության դատարանն այն սկզբում վարույթ ընդունեց, սակայն հաջորդ նիստում հայտարարվեց, որ վարույթի ընդունումը մերժվել է: Ինչո՞ւ, որովհետեւ պատճառները քաղաքական են:
Եթե վարույթ ընդունվեր, տուժող կողմն արդարացիորեն փոխհատուցում էր պահանջում ՌԴ-ից, որովհետեւ Պերմյակովը ՌԴ զինծառայող է»:
Կարդացեք նաև
Հավելենք, որ նշյալ բողոքի հետ կապված դատարանի վճռի հրապարակումը տեղի կունենա դեկտեմբերի 19-ին, ժամը 10-ին:
Այլ մանրամասները՝ տեսանյութում:
Լուիզա ՍՈՒՔԻԱՍՅԱՆ
