Ֆինանսների նախարար Վարդան Արամյանն այսօր ԱԺ-ում երրորդ ընթերցմամբ ներկայացրեց «Գնումների մասին» օրենքում փոփոխությունները, ըստ որի ՀՀ նախագահի, վարչապետի, ԱԺ նախագահի արարողակարգային գնումները պետք է պետական գաղտնիք համարվեն:
ՀԱԿ խմբակցության քարտուղար Արամ Մանուկյանն այսօր պարզաբանում էր խնդրել, ուստի նախարարը մեկնաբանեց այսպես. «Այդ դրույթը հոդված 15-ում է ամրագրված: ՀՀ երեք կարեւորագույն պաշտոնների՝ նախագահը, ԱԺ նախագահը եւ վարչապետը իրենց արարողակարգային ծախսերի փակ ընթացակարգով սահմանելու համար: Սա մենք նորություն չենք անում, սա միջազգային պրակտիկայում ընդունված պրակտիկա է»:
Վարդան Արամյանը վստահեցրեց, որ նախագծի կիրառման պայմաններում մենք կունենանք դրական արդյունքներ:
Հռիփսիմե ՋԵԲԵՋՅԱՆ
