Աշխարհում չլուծված հակամարտությունները, այդ թվում ԼՂ հակամարտությունը, այն մարտահրավերների շարքում են, որոնք 2017թ. կազդեն Հավաքական անվտանգության պայմանագրի կազմակերպության (ՀԱՊԿ) անդամ-երկրների անվտանգության վրա: Ինչպես հաղորդում է «ՌԻԱ Նովոստին», այս մասին այսօր պետդումայում լրագրողներին ասել է ՀԱՊԿ գլխավոր քարտուղար Նիկոլայ Բորդյուժան:
«Ես տեսնում եմ խնդիրների երեք կատեգորիա, որոնց հետ մենք կբախվենք: Առաջինը՝ թեժ կետերն են կամ չկարգավորված հակամարտությունները՝ Աֆղանստան, Ղարաբաղ, Դոնբաս, Մերձդնեստր, Սիրիա, Իրաք, Եմեն: Խնդիրների երկրորդ կատեգորիան ավանդական բնույթի խնդիրներն են՝ թմրանյութերի անօրինական շրջանառություն, ահաբեկչություն, արտակարգ իրավիճակներ»,- ասել է Բորդյուժան:
Խնդիրների երրորդ կատեգորիայում ՀԱՊԿ գլխավոր քարտուղարը դասել է «Ռուսաստանի և դաշնակիցների այսօրվա փաստացի դիմակայությունը Արևմուտքի հետ, ահաբեկչության դեմ պայքարում համագործակցության բացակայությունը»:
«Այս ամենը, այսպես թե այնպես, կազդի մեր պետությունների անվտանգության վրա»,- ասել է Բորդյուժան:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
