Այսօր կառավարության նիստում վարչապետ Կարեն Կարապետյանը բնապահպանության նախարար Արծվիկ Մինասյանին հանձնարարեց 10 օրում ներկայացնել առաջարկություններ բնապահպանության ոլորտում թույլտվությունների եւ լիցենզիաների մեկ միասնական համակարգի ներդրման, մեկ պատուհանի ծառայությունների տրամադրման կազմակերպման վերաբերյալ:
Բայցի այս, մեկ այլ հանձնարարականով էլ վարչապետն Արծվիկ Մինասյանին ասաց, որ մեկամսյա ժամկետում ուսումնասիրվի եւ ներկայացվի տեղեկատվություն առանց ջրօգտագործման թույլտվության գործունեություն իրականացնող տնտեսվարող սուբյեկտների վերաբերյալ, ներկայացնել առաջարկություններ ապօրինի ջրօգտագործումը բացառելու համար:
Կարեն Կարապետյանը դիմելով նախարարին՝ ասաց, որ սա շատ կարեւոր հարց է.«Պարոն նախարար, գիտեք, որ այս խնդիրը չափազանց կարեւոր է, ժամկետները նորմա՞լ են: Շատ ուշադիր եղեք, որովհետեւ էկոլոգիական խնդիրներ կարող ենք ունենալ»:
Նելլի ԲԱԲԱՅԱՆ
