«Այստեղ այնքան պարզ է ամեն ինչ: Բնականաբար, բռնություն կիրառումը, լինի լրագրողի թե մեկ այլ անձի հանդեպ, դատապարտելի է եւ անընդունելի»,- խորհրդարանում այսօր լրագրողների հետ զրույցում անդրադառնալով պատգամավոր Ռուբեն Հակոբյանի եւ լրագրող Վահե Մակարյանի միջեւ տեղի ունեցած միջադեպին, ասաց ՀՀ արդարադատության նախարար Արփինե Հովհաննիսյանը:
Նախարարը բռնության կիրառումը ոչ պատշաճ վարքագիծ է համարում. «Հանգամանքներին մանրամասն ծանոթ չեմ, բայց երեւույթը, միանշանակ, դատապարտելի է, այստեղ երկրորդ կարծիք չկա»:
Լուիզա ՍՈՒՔԻԱՍՅԱՆ
