Այսօր՝ դեկտեմբերի 14-ին ՀՀ Վերաքննիչ քրեական դատարանը կրկին մերժել է «Ոտքի, Հայաստան» քաղաքացիական շարժման անդամ, արդեն 4 ամսից ավելի անհիմն անազատության մեջ գտնվող Դավիթ Հովհաննիսյանի կալանքի ժամկետը երկարացնելու դեմ փաստաբանի ներկայացրած բողոքը:
Այս մասին տեղեկացրեց նրա շահերի պաշտպան Հովիկ Արսենյանը:
Դավիթ Հովհաննիսյանը մեղադրվում է ՀՀ Քրեական օրենսգրքի 225-րդ հոդվածի 2-րդ մասով նախատեսված գործողություններ կատարելու մեջ, այն է ՝ հուլիսի 29-ին Սարի Թաղում զանգվածային անկարգությունների մասնակցելը: Ըստ մեղադրանքի՝ Դավիթ Հովհաննիսյանը իբրև թե քարեր է նետել ոստիկանների ուղղությամբ: Սակայն այդ օրվա բոլոր տեսագրությունները փաստում են, որ Դավիթը Սարի Թաղում որևէ անօրինական գործողություն չի կատարել: Մեղադրանքը հիմնված է միայն 2 ոստիկանի ցուցմունքի վրա:
«Ոտքի, Հայաստան» քաղաքացիական շարժման մամուլի հաղորդագրություն
