Սյունիքի մարզպետարանին 6 միլիոն 626 հազար դրամ կհատկացվի, որպեսզի մեղրեցի գյուղատնտեսների կուտակած էլեկտրաէներգիայի պարտքը մարզպետարանը մարի: Այս մասին վաղը, կառավարության նիստում կհայտնի տարածքային կառավարման եւ զարգացման նախարար Դավիթ Լոքյանը: Գումարը կհատկացվի բյուջեի պահուստային ֆոնդից:
Պարտքը կուտակվել է անհատական ջրհան պոմպերի սպառած էլեկտրաէներգիայից, որոնց միջոցով մեղրեցիներն իրենց հողատարածքներն են ջրել:
Կառավարության կայքէջում տեղադրված նիստի օրակարգից տեղեկանում ենք, որ մարզպետարանը փոխհատուցելու է 75 բնակչի սպառած էլեկտրաէներգիայի ծախսը:
2015 թվականին էլ, նախկին մարզպետ Սուրիկ Խաչատրյանի օրոք, նույն նպատակի համար բյուջեից հատկացվել է 4 միլիոն 851.8 հազար դրամ գումար:
Կարդացեք նաև
Լուսինե ԲՈՒԴԱՂՅԱՆ
