Իսրայելի Էյլաթ քաղաքում այսօր ավարտվում է 20 եւ 23 տարեկանների Եվրոպայի առաջնությունը:
Այսօր 20 տարեկան աղջնակների մրցակցությունում +75 կգ քաշային կարգում հանդես եկող Արփինե Դալալյանը երկամարտում ցույց է տվել 218 (91+127) կգ եւ բավարարվել է 4-րդ հորիզոնականով:
Րոպեներ առաջ պայքարն ավարտեցին 23 տարեկան տղաների 105 կգ քաշային տղաները, որտեղ Մկրտիչ Մկրտչյանը, կարելի է ասել, ձեռքից բաց թողեց երկամարտի արդյունքով առնվազն բրոնզե մեդալը: Պոկում վարժությունում Մկրտիչը 170 կգ-ով արժանացավ փոքր բրոնզի: Հրումում նա միանգամայն ի վիճակի էր հավակնել ավելի մաքուր մեդալի, սակայն սկսելով 201 կիլոգրամից՝ երկու անհաջող փորձից հետո միայն երրորդում մեկնարկային քաշը պահեց գլխավերեւում: Նա ընդամենը երկու կգ զիջեց պատվանդանի երրորդ աստիճան բարձրացած ուկրաինացի Ռոման Վասիլեւսկուն:
Կարդացեք նաև
Աշոտ ՀԱԿՈԲՅԱՆ
Լուսանկարներն Էյլաթից սիրով տրամադրել է աղջիկների հավաքականի մարզիչ Արման Ղազարյանը
