«Տնտեսական հարաբերությունների շրջանակում կարեւոր են մարդկանց միջեւ կապերը: Վիզան չպետք է պատնեշ դառնա, որպեսզի մարդիկ կարողանան բիզնես եւ այլ նպատակներով շրջագայել»,-խորհրդարանում այսօր անդրադառնալով հարցին, թե «Եվրամիության և Վրաստանի միջև ազատ վիզային ռեժիմ է սահմանվել, հնարավո՞ր է՝ Հայաստանն էլ նման բարի լուր ստանա», լրագրողների հետ զրույցում ասաց ՀՀ տնտեսական զարգացման եւ ներդրումների նախարարի տեղակալ Գարեգին Մելքոնյանը:
Նա հիշեցրեց, որ ՀՀ-ն ԵՄ-ի հետ ստորագրել է վիզաների լիբերալացման պայմանագիրը, որը գործում է. «Հաջորդ փուլն ազատականացումն է՝ առանց վիզային ռեժիմի սահմանումը, որի շուրջ ԱԳՆ-ի իմ գործընկերները որոշակի քննարկումներ ունեն: Հուսամ՝ այդ հարցում տեսանելի ապագայում կկարողանանք գալ մի հանգրվանի, որպեսզի բանակցությունները մեկնարկեն»:
Փոխնախարարը հավելեց, որ նշյալ նպատակի համար ժամկետներ սահմանված չեն, ամեն ինչ կախված է գործընթացից:
Կարդացեք նաև
Լուիզա ՍՈՒՔԻԱՍՅԱՆ
