«2008թ.-ից սկսած ՀՀ-ում Ռուսաստանի կողմից ներդրումների աճ է նկատվում: 2015թ.-ին այն գերազանցել է երեք միլիարդը: Հիմնական ոլորտներն են՝ հեռահաղորդակցության, տրանսպորտ, ֆինանսներ»,-Խորհրդարանում այսօր «ՀՀ արտաքին քաղաքականության տնտեսական բաղադրիչը» թեմայով խորհրդարանական լսումների ժամանակ ասաց Եվրասիական զարգացման բանկի Երեւանյան գրասենյակի ղեկավար Սերգեյ Իգնատովը:
Նա վստահեցրեց, որ ռուսական շուկան հայկական տնտեսությունը գնահատում է որպես բարենպաստ եւ ցանկանում է դրանում գումարներ ներդնել:
«ԵՏՄ-ն փակ սահմաններով ամրոց չէ, հարաբերությունների խորացման աշխատանքներ են տարվում, օրինակ, Իրանի հետ: ԵՏՄ-ն զարգացման նոր հարթություն է մուտք գործում»,-ասաց Սերգեյ Իգնատովը:
Նա նաեւ նշեց, որ Եվրասիական զարգացման բանկի՝ ՀՀ-ում գործող ներդրումային պորտֆելը հաջորդ տարում կաճի հիսուն տոկոսով՝ հասնելով 3,3 միլիարդ դոլարի:
Կարդացեք նաև
Լուիզա ՍՈՒՔԻԱՍՅԱՆ
