Այսօր վաղ առավոտյան փորձ է արվել տարադրամի փոխանակման կետից գումար հափշտակել:
Մայրաքաղաքի Անդրանիկի փողոցում (Բանգլադեշ) մթերային խանութում գործող տարադրամի փոխանակման կետի վրա մի քաղաքացի, ինչպես Aravot.am-ին ականատեսները են պատմեցին, փորձել է զինված հարձակում գործել, սակայն դա նրան չի հաջողվել եւ փախուստի է դիմել:
Այս պահին դեպքի վայրում են իրավապահ տարբեր մարմինների աշխատակիցներ: Ականատեսների ներկայացմամբ՝ կրակոց են լսել:
Կարդացեք նաև
Ոստիկանությունից Aravot.am-ի հետ զրույցում վստահեցրին, որ հարձակում գործող անձի մոտ, հավանաբար հրազեն է եղել, քանի որ քաղաքացիներն իրավապահ մարմիններին վստահեցրել են, որ կրակոցներ են եղել: Մեր հարցին՝ հայտնաբերվե՞լ է հարձակում գործող անձը, ոստիկանությունից ասացին .«Տարվում են աշխատանքներ, հանգամանքները ճշտվում են՝ հանցագործությունը բացահայտելու ուղղությամբ»:
Այլ մանրամասներն՝ առաջիկայում:
Նելլի ԲԱԲԱՅԱՆ
