Խորհրդարանում այսօր «ՀՀ արտաքին քաղաքականության տնտեսական բաղադրիչը» թեմայով խորհրդարանական լսումների ժամանակ ելույթից հետո ՀՀ վարչապետ Կարեն Կարապետյանը նկատեց. «Մեր երկրի փոքրությունը ցույց է տալիս, որ աշխարհի համար պետք է ընկալելի լինենք եւ մեր տնտեսական տեղը գտնենք: Մեր ԱԳՆ-ի եւ դիվանագիտական կորպուսի հետ չափազանց շատ բան ունենք անելու»:
Ըստ վարչապետի՝ պետք է մշակեն գնահատման համակարգ, որպեսզի գնահատեն՝ ինչպե՞ս են դիվանագիտական կորպուսի ներկայացուցիչները մասնակցում տնտեսության զարգացմանը. «Ուզում ենք արտաքին ներդրումներ ունենալ, բայց մեր ներդրումների մասին օրենքները անգլերենով թարգմանված լինելու խնդիր ունեն»:
Կարեն Կարապետյանը կրկին ընդգծեց՝ ԱԳՆ-ի հետ չափազանց մեծ աշխատանք կա անելու:
Լուիզա ՍՈՒՔԻԱՍՅԱՆ
