Վարչապետ Կարեն Կարապետյանի անկեղծ պոռթկումը իրար է խառնել ՀՀԿ հին գվարդիայի անդորրը։ «Հանրապետականին անդամակցելուց հետո Ձեր վարկանիշը, Ձեր կարծիքով, անկո՞ւմ է ապրելու, թե՞ ոչ». ԶԼՄ-ների ղեկավարների հետ հանդիպման ընթացքում հնչած հարցին Կարապետյանը դրական էր պատասխանել. «Կարծում եմ՝ այո», սակայն չկոնկրետացնելով, թե որքանով կազդի։ ՀՀԿ-ում, ըստ լուրերի, ծանր են տանում վարչապետի այս անկեղծ խոստովանությունը, բայց չեն կարողանում նրան «արժանի» պատասխան տալ։
ԱԺ նախագահ Գալուստ Սահակյանին երեկ հարցրինք վարչապետի հայտարարության մասին։ «Ցանկացած մարդ, որը որ փորձում է իրական հանրապետական լինել, եւ այն գաղափարախոսությունը, որ ունի, դա, կարծում եմ, երջանիկ ապագա է»։
Գրիգորիչին խնդրեցինք անկեղծ լինել ու ասել՝ արդյոք իր հեղինակությունը չի՞ ընկել ՀՀԿ-ական դառնալով։ «Ոչ, իմ հեղինակությունը երբեք չի կարող ընկնել, որովհետեւ ՀՀԿ-ն բավականին լուրջ կազմակերպություն է ու լուրջ գաղափարախոսություն ունի»,- ասաց ԱԺ խոսնակը՝ չմեկնաբանելով, թե ինչ է նկատի ունեցել, ինչու է այդպես ասել։
Լուսինե ՇԱՀՎԵՐԴՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
