«ՀՀԿ-ի վարկանիշը շատ քիչ է կապված վարչապետի դիրքի հետ»,- վստահեցնում է սոցիոլոգ Ահարոն Ադիբեկյանը` անդրադառնալով վարչապետի հայտարարությանը, թե ՀՀԿ-ական դառնալն իր վարկանիշը կգցի:
«Վարչապետի հետ հույսեր են կապում, իսկ դա կարող է դրական ազդեցություն ունենալ ՀՀԿ-ի վարկանիշի վրա, գոնե այն շրջանակում, որտեղ հույսեր ունեն, որ ամեն ինչ կլավանա: Նրան բերեցին ՀՀԿ, որովհետեւ նա տեղական խաղերի մեջ խառնված չէ, տեղական օլիգարխների հետ խառնված չէ, տեղական սեփականության վերաբաշխման գործընթացներում ներկայացված չէ, նա մաքուր է, ինչը կարող է դրական անդրադառնալ ՀՀԿ-ի վարկանիշի վրա:
Ինչ վերաբերում է վարչապետի վարկանիշին, նա դեռ վարկանիշ պետք է ունենա, որ մենք խոսենք` նրա վարկանիշը փոքրանում է, թե մեծանում է: Նրա` մինչեւ վարչապետ հայտնվելը վարկանիշ չի ունեցել, նա նոր-նոր պետք է ձեւավորի իր վարկանիշը, որ տեսնենք ինչ ազդեցություն կունենա կուսակցական դառնալն իր վարկանիշի վրա, թող վարկանիշ ձեւավորի»,- ասաց սոցիոլոգը:
Արփինե ՍԻՄՈՆՅԱՆ
