Պետական եկամուտների կոմիտեում, որտեղ աշխատանքի ընդունվելը, տարիներ ի վեր առանց, ծանոթ-բարեկամի միջամտության չի եղել, աշխատատեղեր են ազատվել: Այս մասին տեղեկանում ենք Պետական եկամուտների կոմիտեի կայք էջից, որտեղ նշված են մի շարք թափուր պաշտոններ:
ՊԵԿ-ը կարիք ունի ավագ օպերլիազորի, որն ի պաշտոնե պետք է օպերատիվ-հետախուզական գործունեություն ծավալի, ուսումնասիրություններ եւ ստուգումներ կատարի: Բաժնի օպերլիազորների կարիք ունեն ՊԵԿ-ի Կենտրոնի, Շենգավիթի, Մաշտոցի, Արաբկիրի, Նոր Նորքի, Վանաձորի մասնաճյուղերը:
Համաձայն մրցութային պայմանների, այս պաշտոնները զբաղեցնող ծառայողներն էլ, կատարում են քննիչի գրավոր հանձնարարությունները, դատախազի գրավոր ցուցումները, քննիչի եւ դատարանի որոշումները եւ այլ հանձնարարականներ:
ՊԵԿ-ը փակ մրցույթներ էլ է հայտարարել: Օրինակ` ՊԵԿ-ի Օպերատիվ հետախուզական վարչության 7-րդ բաժնին անհրաժեշտ է գլխավոր օպերլիազոր, որը կնախապատրաստի վարչության կողմից հայտնաբերված իրավախախտումների ուղղությամբ նյութեր եւ սահմանված կարգով կապահովի դրանց ընթացքը, կբացահայտի ստվերային տնտեսությանը նպաստող պայմանները եւ պատճառները, կմշակի եւ կիրականացնի դրանց վերացման ուղղությամբ միջոցառումներ: Այս հաստիքը զբաղեցնողը նաեւ պետք է միջոցներ ձեռնարկի ապօրինի, ինչպես նաեւ օրենսդրությամբ արգելված գործունեությամբ զբաղվող անձանց հայտնաբերման եւ բացահայտման ուղղությամբ:
Կարդացեք նաև
Մրցույթը կանցկացվի 2017 թվականի հունվարի 16-ին, Արաբկիրի հարկային տեսչությունում:
Լուսինե ԲՈՒԴԱՂՅԱՆ
