Այսօր այն բացառիկ դեպքերից էր, երբ ԱԺ նախագահ Գալուստ Սահակյանը ԲՀԿ պատգամավոր Վահե Էնֆիաջյանի ազգանունը 1 անգամից ճիշտ արտասանեց: Որպես կանոն, ոչ մի կերպ այդ ազգանունը չէր ենթարկվում պարոն Սահակյանին, նա կա’մ Էնֆաջյան, կամ Էնֆաիջյան, կամ նման մի բան էր արտաբերում:
ԱԺ-կառավարություն հարցուպատասխանի ժամանակ Վահե Էնֆիաջյանի ազգանունը Գալուստ Սահակյանի շուրթերից ճշգրիտ հնչելուն պես նիստերի դահլիճում ուրախություն տիրեց:
Գալուստ Սահակյանը, հասկանալով, թե ինչու են պատգամավորներն աշխուժացել՝ ծիծաղելով արձագանքեց. «Մտածում եք հանկարծ ես չգիտեմ ոնց ասե՞մ, եւ որ ժամին, հա՞: Միշտ մտածում եք ինչ-որ մի բան էսպես…Էս պահին Վահեի հետ շատ մոտ եմ, դրա համար էսպես է»:
Հռիփսիմե ՋԵԲԵՋՅԱՆ
