«Կարեն Կարապետյանը դրսում բարձր աշխատավարձը չէր թողնի եւ գար այստեղ՝ վեց ամիս վարչապետ աշխատելու համար»,-«Պոստ Սկրիպտում» մամուլի ակումբում այսօր խոսելով ՀՀԿ հայտարարության մասին, որ առաջիկա խորհրդարանական ընտրություններում վստահության քվե ստանալու դեպքում ՀՀԿ-ի վարչապետի թեկնածուն լինելու է Կարեն Կարապետյանը, ասաց քաղաքագետ Հայկ Մարտիրոսյանը: Նա նկատի ունի այն, որ ի սկզբանե պարզ էր՝ Կարապետյանը 6 ամսվա վարչապետ չէ:
Հայկ Մարտիրոսյանի կարծիքով՝ ներկայիս նախագահը սահմանադրություն փոխեց՝ պաշտոնում մնալու համար. «Չեմ կարծում, որ նա լինելով պալատական կյանքի փայլուն վարպետ, որեւէ մեկին կվստահի գործադիր իշխանությունը: Չեմ բացառում, որ 2018թ.-ին ներկայիս նախագահն ինքն իրեն դարձնի վարչապետ: Թե ով կլինի մյուս պաշտոններում՝ կարեւոր չէ, ինչպես կարեւոր չէ հիմա»:
Ըստ քաղաքագետի՝ ներկայիս գործադիր իշխանությունը ճգնաժամային կառավարման կառավարություն է. «Այն կազմվել է, որպեսզի իշխանության ցածր վարկանիշը վերականգնվի, կամ անկումը փափուկ լինի»:
Կարդացեք նաև
Լուիզա ՍՈՒՔԻԱՍՅԱՆ
