Այսօր լրանում է գրող, թարգմանիչ, հրապարակախոս Սամվել Մկրտչյանի մահվան 2-րդ տարելիցը:
Հիշեցնենք՝ Սամվել Մկրտչյանը «Կանթեղ» մրցանակի դափնեկիր է։ 2002-2014 թթ. եղել է «Արտասահմանյան գրականություն» թարգմանական եռամսյա հանդեսի գլխավոր խմբագիրը։ Հայաստանում և արտերկրում տպագրել է բազմաթիվ հրապարակախոսական հոդվածներ, բանաստեղծություններ, պատմվածքներ, նաև թարգմանել է բազմաթիվ գրքեր։
2012-ին հարցազրույցում Վարդուհի Սիմոնյանի «Սկսենք գլխավոր հարցից. ըստ Ձեզ՝ ո՞րն է այսօր գլխավոր հարցը»՝ Սամվել Մկրտչյանը պատասխանել էր. «Ինչպես դարեր շարունակ՝ ողջ մնալը. գոյատեւել՝ իրականացնելու մեր հավիտենական առաքելությունը: Ամեն ինչ անել՝ չմեռնելու համար: Մենք ուրիշ ոչնչով չենք զբաղված: Մենակ թե չասեք, թե պետություն ենք կառուցում: Հասուն մարդիկ ենք ու պետք է հասկանանք, որ այսպիսի պետություն չի լինում, ու պետությունն այսպես չեն կառուցում: Այսպիսի մշակույթ, ԶԼՄ-ներ, նախագահ, կառավարություն, ԱԺ, նույնիսկ սերիալներ չեն լինում. սրանք հակացուցված են մարդկությանը: Մեր իրականությունն այնքան է աղճատվել, որ սկսել ենք իրար հետ տարբեր լեզուներով խոսել»:
