Հատված Ամերիկայի հայկական համագումարի տարածաշրջանային տնօրեն Արփի Վարդանյանի հարցազրույցից:
– Այսօր շատերը խոսում են այն մասին, որ սփյուռքը պետք է մասնակցի Հայաստանի ներքին գործերին, մասնավորապես ընտրություններին։ Սփյուռքը նման ցանկություն ունի՞։
– Վերջերս դրսում ստեղծված տարբեր խմբեր երեք տարբեր առաջարկ են ներկայացրել։ Բայց դեռ մանրամասն չեմ ուսումնասիրել և չեմ հասկանում, թե ինչպես են պատկերացնում, որ դա գործի։ Այդ ամենը դեռ օդի մեջ է։ Այդ մարդկանց կարող եմ առաջարկել՝ թող գան այստեղ ապրեն, այստեղ մասնակցեն այդ ամենին։
– Բայցևայնպես, օրինակ, ԱՄՆ հայ համայնքն ի՞նչ կարծիքի է։
Կարդացեք նաև
– ԱՄՆ-ի համայնքը մեկ ամբողջական համայնք չէ։ Կա ամերիկահայ, որ ինքն է ծնվել այնտեղ, կան, որ նրանց ծնողները կամ պապերն ու տատերն են այնտեղ ծնվել։ Կան որ այլ երկրներից են եկել։ Ու բոլորը իրենց հարցն են առաջ տանում։ Համենայնդեպս ԱՄՆ-ում մեկ միասնական սփյուռք չկա։ Չկա համընդհանուր մեկ կազմակերպություն, որ ներկայացնում է բոլորին, և չեմ էլ կարծում, թե երբևէ կլինի։ Ես և Դուք կարող ենք մեկ հարցի շուրջ տասը կարծիք ունենալ։ Պատկերացրեք՝ մեկ միլիոնանոց ամերիկյան սփյուռքը քանի կարծիք կարող է ունենալ։ Այս պատճառով է նաև, որ Հայաստանի համար դժվար է առանձնացնել սփյուռքի հետ հարաբերվելու կարևոր խնդիրները։
Արփի ՍԱՀԱԿՅԱՆ
Հոդվածն ամբողջությամբ կարող եք կարդալ «Փաստ» թերթի այսօրվա համարում
