Հայաստանի տնտեսական ակտիվության աճի տեմպը այս տարվա 10 ամիսներին նվազել է` հասնելով տարվա մեջ ամենացածր` 0,4 տոկոս ցուցանիշին: Դատելով վիճակագրական ցուցանիշներից` անկման հիմնական պատճառը գյուղատնտեսական արտադրանքի ծավալների նվազումն է` հակառակ անցյալ տարի արձանագրված բարձր բերքատվության, հետեւաբար եւ աճի: Այդուհանդերձ, տնտեսության երկու ճյուղեր` արդյունաբերությունն ու ծառայությունները շարունակում են աճ արձանագրել` առաջինը 6,5 տոկոս, երկրորդը` 7,7 տոկոս: Առեւտրում ծավալները գրեթե այնքան են, որքան անցյալ տարվա նույն ժամանակահատվածում, իսկ շինարարությունում նույնպես առկա է գրեթե 10 տոկոս անկում: Թերեւս հենց արդյունաբերության աճի արդյունքում էլ շարունակվում է արագ տեմպերով աճել արտահանումը Հայաստանից: Աճի տեմպն այստեղ մոտեցել է 20 տոկոսին:
Կարելի է եզրակացնել, որ մասնավոր փոխանցումների հոսքի նվազումը վեր հանեց մեր տնտեսության հիվանդությունը` ներմուծման հիման վրա մեծածավալ ներքին առեւտրի առկայությունը: Ակնհայտ է, որ այսպիսի կացությունը մի օր պետք է բերեր շուկայի գերհագեցածության եւ լճացման, ինչը տեղի է ունենում հիմա: Կոպիտ ասած, հնարավոր չի անընդհատ ներմուծել եւ անընդհատ այն սպառել, առանց սեփական արժեքը ստեղծելու: Անշուշտ, ուրախալի է, որ հակառակ ներմուծման ծավալների նվազմանը, արտահանումը արագ տեմպերով աճում է: Սակայն, ակնհայտ է, որ տեղական արտադրությունը կարող է եւ պետք է ձգտի փոխարինել ներմուծվող ապրանքներին նաեւ ներքին շուկայում:
Արա Մարտիրոսյան
Հոդվածն ամբողջությամբ կարող եք կարդալ «Ազգ» թերթի այս համարում
