Դեկտեմբերի 1-ին համատեղության կարգով Խորվաթիայում ՀՀ դեսպան Արման Կիրակոսյանն (նստավայրը՝ Վիեննա) իր հավատարմագրերը հանձնեց Խորվաթիայի Հանրապետության նախագահ տիկին Կոլինդա Գրաբար-Կիտարովիչին: Հավատարմագրերի հանձնման արարողությանը հաջորդած առանձնազրույցի ընթացքում կողմերը քննարկեցին հայ-խորվաթական հարաբերությունների զարգացման հեռանկարները:
Նախօրեին՝ նոյեմբերի 29-ին և 30-ին, դեսպան Կիրակոսյանը հանդիպումներ ունեցավ Խորվաթիայի արտաքին և եվրոպական գործերի նախարարության գլխավոր քարտուղար տիկին Զդրավկա Բուշիչի, քաղաքական դեպարտամենտի ղեկավար պարոն Գորդան Բակոտայի և ռազմավարական ու անվտանգության խնդիրների դեպարտամենտի ղեկավար պարոն Սինիշա Յուրիչի հետ և քննարկեց հայ-խորվաթական օրակարգի հարցերի լայն շրջանակ:
Հանդիպմանը քննարկվեցին նաև երկու երկրների միջև քաղաքական երկխոսությունը շարունակելու, տնտեսական, կրթական, մշակութային և այլ բնագավառներում համագործակցությունը խթանելու հեռանկարները: Հատուկ անդրադարձ կատարվեց միջազգային կառույցներում՝ ԵԱՀԿ-ում, ԵԽԽՎ-ում և ՄԱԿ-ի մարմիններում, փոխգործակցության սերտացման հնարավորություններին:
Զագրեբում դեսպան Կիրակոսյանը հանդիպումներ ունեցավ նաև Խորվաթիայում ՀՀ պատվո հյուպատոս պարոն Վեդրան Բուրատովիչի ու խորվաթահայ համայնքի ներկայացուցիչների հետ, որոնց ընթացքում քննարկվեցին երկկողմ կապերին առնչվող հարցեր:
Կարդացեք նաև
ՀՀ ԱԳՆ
