Այսօր Գյումրու բյուջեի նախագծի քննարկումն էր, հենց այդ ժամանակ էլ այս թեմային հպանցիկ անդրադարձավ Սամվել Բալասանյանը՝ տեղեկացնելով, որ նման խոսակցություն եղել է իր ու վարչապետ Կարեն Կարապետյանի միջև։ Սակայն քաղաքապետը մանրամասներ հաղորդել չցանկացավ։
«Երկու օր առաջ խորհրդակցություն եղավ վարչապետի մոտ, տեսնենք փոփոխություններ կլինեն տարբեր գերատեսչությունների հետ կապված, որպեսզի կարողանան ապակենտրոնացնել Երևանից որոշ գերատեսչություններ, տեղափոխեն Գյումրի։ Հիմա ինչպիսի արդյունք կունենա, տեսնենք, հիմա չեմ ուզել բարձրաձայնել, թե ինչ եմ խոսել, համենայնդեպս սա շատ կարևոր աշխուժություն կտա մեր քաղաքին, եթե, իհարկե, որևէ ինստիտուտ կամ գերատեսչություն տեղափոխեն Գյումրի։ Սա շատ կարևոր է Գյումրիի զարգացման համար»,-ասաց Սամվել Բալասանյանը։
Նունե ԱՐԵՎՇԱՏՅԱՆ
