Ռազմիկ Պապյանին մեղադրանք է առաջադրվել այն բանի համար, որ նա իր իրական իրավունքներն ինքնակամ իրականացնելով՝ հանգուցյալ հոր ունեցվածքից մասնաբաժնի իրավունք ունենալով, օրենքով սահմանված կարգով ժառանգություն ստանալու փոխարեն ինքնիրավչություն է արել:
Նա 2016թ. հունիսի 26-ին, ժամը 20-ի սահմաններում Իջեւան քաղաքում գտնվող հայրական տնից մոր՝ Թումիզար Պապյանի ներկայությամբ ինքնագլուխ, որպես իր մասնաբաժին վերցրել, իր բնակարան է տեղափոխել ընդհանուր 195 հազար դրամ արժողությամբ իրեր:
Ըստ «Դատալեքս» դատական տեղեկատվական համակարգի՝ Ռ.Պապյանին մեղադրանք է առաջադրվել ՀՀ քրեական օրենսգրքի 322 հոդվածի 1-ին մասով («Ինքնիրավչությունը»): Սույն քրեական հոդվածով բնութագրվող հանցանքը պատժվում է 300-500 հազար դրամի չափով տուգանքով կամ 1-3 ամիս ժամկետով տուգանքով: Նշված քրեական գործն այժմ քննվում է Տավուշի մարզի առաջին ատյանի դատարանում:
Ոսկան ՍԱՐԳՍՅԱՆ
