Ամերիկացիներից շատերը ընդունում են, որ Դոնալդ Թրամփի նման նորընտիր նախագահ չի եղել նախկինում:
«Ոչ ոք չգիտի իմ կարողության չափը»,- ասել է Թրամփը:
Սակայն նրա ֆինանսական կարողության մասին 104 էջանոց փաստաթուղթը տալիս է որոշակի տեղեկություն:
Նախագահի պաշտոնի համար թեկնածուները պարտավոր են քարոզարշավի ընթացքում ներկայացնել այդ փաստաթուղթը: Սակայն օրենքում առկա մի փոքր բացը թույլ է տալիս նորընտիր նախագահին չհրապարակել նոր հարկային հայտարարագիր մինչև 2018 թվականը, իսկ առանց այդ հայտարարագրի, որը Դոնալդ Թրամփն այդպես էլ չի ներկայացրել, նրա կարողության մասին տեղեկությունը շատ ընդհանուր է:
Կարդացեք նաև
«Մենք լավ պատկերացում չունենք, թե ինչ կա այնտեղ»,-ասել է նախկինում Դաշնային ընտրական հանձնաժողովի խորհրդական Քեն Գրոսը:
Թրամփի արտասահմանում գործարար ակտիվության աշխարհագրությունը ծավալվում է Դոմինիկյան հանրապետությունից մինչև Հնդկաստան և Ինդոնեզիա։
Սա խնդիր չէ անշարժ գույքով զբաղվող խոշոր գործարարի համար, սակայն խնդիր է նախագահի պաշտոնը զբաղեցնելու պարագայում:
«Շենքերի կառուցման համար նրան անհրաժեշտ է ստանալ տարբեր տեսակի թույլտվություններ և այլ փաստաթղթեր՝ ավելի մեծ և ավելի լավ շենքեր կառուցելու համար: Այս դեպքում մենք գործ ունենք այլ պետությունների ղեկավարության հետ առնչվելու անհրաժեշտության հետ»,- ասել է Գրոսը:
Նյութի մանրամասները կարդացեք «Ամերիկայի Ձայն»-ի կայքում
