Քիմիական երբեմնի հսկա «Նաիրիտ»-ի նախկին աշխատակիցներին զարմացնում եւ զայրացնում է գործարանի՝ գաղտնի կերպով սնանկ ճանաչելը:
«Անհասկանալի բան է եղել, անհասկանալի: Ոչ ոք չի հասկանում, համ մրցույթ համ սնանկ ճանաչել: Ուզում են վերացնեն էլի Նաիրիտը, հիմնահատակ վերացնեն»,- ասում է «Նաիրիտ»-ի նախկին աշխատակից Արմեն Դեմիրճյանը:
Կառավարության շենքի մոտ հավաքված նաիրիտցիներն ահազանգում են՝ կառավարությունը կորցրել է իր վստահությունը:
«Նաիրիտ» գործարանին սնանկ ճանաչելու պահանջով հերթական նիստը Շենգավիթի դատարանում պետք է տեղի ունենար հաջորդ տարվա հունվարի 25-ին, սակայն գրեթե գաղտնի պայմաններում այն տեղի է ունեցել նոյեմբերի 28-ին: Հայաստանի Էլեկտրական ցանցերի հայցով որոշում է կայացվել սնանկ ճանաչել գործարանը:
Կարդացեք նաև
« Կան էլի կազմակերպություններ, որոնց «Նաիրիտ»-ը շատ ավելին է պարտք, քան ՀԷՑ-ի պարտքն է: Բայց նա պահանջեց, ոչ թե պարտքի մարում, այլ սնանկության հարց էր ներկայացրել, չգիտես ինչու»,- ավելացնում է Կարինե Շահվերդյանը:
Մանրամասն՝ կարդացեք այստեղ
