Կայացավ Հայաստանի բռնցքամարտի ֆեդերացիայի 9-րդ համաժողովը, որը լսելով ընթացիկ շրջափուլում ֆեդերացիայի կատարած աշխատանքը՝ այն գնահատեց լավ: Սակայն ՀԲՖ նախագահ Արթուր Գեւորգյանը Aravot.am-ի հետ զրույցում նշեց, որ ինքը չի պատրաստվում այդ գնահատականով բավարարվել: «Ես ուզում եմ, որ մեր բռնցքամարտիկները գերազանց հանդես գան, որ մեր մարզիչները գերազանցեն իրենք իրենց»,- ասաց նա:
Համաժողովը լսեց նաեւ Հայաստանի տարբեր տարիքային խմբերի հավաքականների գլխավոր մարզիչների հաշվետվությունը, որից հետո ազգային հավաքականի գլխավոր մարզչի ղեկը կրկին վստահվեց Դավիթ Թորոսյանին: Նրան նաեւ իրավունք է վերապահվել ընտրել երիտասարդական հավաքականի ավագ մարզչին, քանի որ հենց այդ երիտասարդները հաջորդ տարվանից համալրելու են մեծահասակների շարքերը եւ Դավիթ Թորոսյանը պետք է այդ տարիքի բռնցքամարտի հավաքականն իր տեսադաշտում պահի եւ իր որոշած մասնագետի հետ աշխատի միասնական ծրագրով:
Աշոտ ՀԱԿՈԲՅԱՆ
ՀԲՖ համաժողովում շոշափված խնդիրների մասին մանրամասն հարցազրույցը ֆեդերացիայի նախագահ Արթուր Գեւորգյանի հետ կարդացեք «Առավոտ» օրաթերթի վաղվա համարում:
