Կայացավ Նորա Դայանի «Մշակութային և բնության պահպանության ու պաշտպանության խնդիրները միջազգային կոնվենցիաներում և ՀՀ օրենքներում» ժողովածուի շնորհանդեսը
Նոյեմբերի 30-ին Հովհաննես Կարապետյանի անվան երկրաբանության թանգարանում տեղի ունեցավ պատմաբան, մշակութաբան, թանգարանագետ Նորա Դայանի «Մշակութային և բնության պահպանության ու պաշտպանության խնդիրները միջազգային կոնվենցիաներում և ՀՀ օրենքներում» ժողովածուի շնորհանդեսը:
Թանգարանի տնօրեն Գայանե Գրիգորյանն իր խոսքում նշեց, որ գիրքը կարևոր դեր է խաղացել երկրաբանության ինստիտուտի ուսանողների համար: «Դասախոսներն ու ուսանողները կվկայեն, որ գիրքն իրոք շատ կարևոր օղակ է հանդիսանում ուսանողների և մասնագիտության միջև»,-հավելեց տիկին Գրիգորյանը:
Ներկաներից հնագետ Աշոտ Փիլիպոսյանն էլ ընդգծեց .«Այս գիրքը կոչվում է թանգարանային գործ: Իմիջիայլոց, թանգարանի մասին լավ խոսք կա, որ ուսանողներն էլ գիտեն`«թանգարան`քաղցր ճահիճ»: Իսկ այս ժողովածուն հենց քաղցր ճահճում գրված աշխատանք է: Ես գիտեմ, թե ինչ մեծ չարչարանքով է գրել այս գործը տիկին Դայանը, և շնորհավորում եմ նրան այդ առիթով: Ժողովածուն արդեն մեծ հաջողություններ ունի»:
Կարդացեք նաև
Ժողովածուի հեղինակ Նորա Դայանն ասաց, որ գրքի կազմման գործում իրեն օգնել են ոլորտին քաջ ծանոթ երկրաբաններ, հնագետներ և թանգարանագետներ: «Հույս ունեմ, որ ժողովածուն կծառայի իր նպատակին, ինչն ինձ համար ամենակարևորն է»,-ասաց հեղինակը:
Տաթև ԿԱՐԱՊԵՏՅԱՆ
