Հայաստանի և Ռուսաստանի ռազմական գերատեսչություններն այսօր Մոսկվայում համաձայնագիր են կնքել երկու երկրների զորքերի միավորված խմբավորում ստեղծելու վերաբերյալ, հաղորդում է ՏԱՍՍ-ը: Փաստաթղթի տակ ստորագրել են Ռուսաստանի պաշտպանության նախարար Սերգեյ Շոյգուն և Հայաստանի ռազմական գերատեսչության ղեկավար Վիգեն Սարգսյանը:
Հիշեցնենք, ավելի վաղ հաղորդվում էր, որ խմբավորումը ստեղծվում է «Կովկասյան տարածաշրջանում կողմերի անվտանգությունն ապահովելու նպատակով»:
Վիգեն Սարգսյանը նշել է, որ խմբավորման մեջ կմտնեն Հայաստանում տեղակայված 102-րդ ռուսական ռազմաբազան և Հայաստանի զինված ուժերի ստորաբաժանումները:
Գործակալությունը գրում է, որ նախարարները ստորագրել են նաև 2017թ. համագործակցության ծրագիրը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
