Թոմ Հենքսն աջակցություն է հայտնել «Հայաստանի մանուկներ» հիմնադրամի բարեգործական հավաքին: Հիմնադրամի ֆեյսբուքյան պաշտոնական էջում հրապարակած տեսանյութում օսկարակիր դերասանը կոչ է անում ակտիվ մասնակցություն ունենալ դեկտեմբերի 9-ին Չիպրիոնիում անցկացվելիք միջոցառմանը:
«Բացահայտե՛ք ձեր հայկական արմատները, և եթե դուք հայ չեք, պարզապես միացե՛ք նրանց Չիպրիոնիում: Շնորհակալություն և Աստված օրհնի ձեզ»,- ասում է դերասանը:
2000թ. հիմնված «Հայաստանի մանուկներ» հիմնադրամն աշխատում է հայկական գյուղական վայրերում երեխաների ապագայի համար պայմաններ ստեղծելու՝ կրթության, առողջության, տնտեսական և սոցիալական պայմանների բարելավման ուղղությամբ: Հիմնադրամի ծրագրերը նպատակ ունեն ստեղծել կայուն հնարավորություններ աճի և առաջընթացի համար:
Պատրաստեց՝ Վիկտորյա ԱՆԴՐԵԱՍՅԱՆԸ
