Այսօր ԱԺ արտահերթ նիստում քվեարկության դրվեցին երեկ քննարկված նախագծերը:
Այս նախագծերը սահմանադրական են, ուստի պետք է ընդունվեին պատգամավորների 3/5-րդ ձայներով:
Քվեարկության դրվեց Վահրամ Բաղդասարյանի, Հովհաննես Սահակյանի եւ Արմեն Ռուստամյանի ներկայացրած «ԱԺ կանոնակարգի մասին» նախագիծն առաջին ընթերցմամբ ընդունելու մասին հարցը եւ ընդունվեց 93 կողմ, 2 դեմ եւ 7 ձեռնպահ: Դեմ էին ՀԱԿ խմբակցության ղեկավար Լեւոն Զուրաբյանն ու ՀԱԿ խմբակցության պատգամավոր Նիկոլ Փաշինյանը:
«Պատգամավորի գործունեության երաշխիքների» մասին օրենքը նույնպես ընդունվեց առաջին ընթերցմամբ՝ 95 կողմ եւ 7 ձեռնպահ ձայներով:
Կարդացեք նաև
Հիշեցնենք, որ ԱԺ կանոնակարգի մասին նախագծում վիճահարույց կետեր կային, պատգամավորները հատկապես խմբակցությունից դուրս գալու եւ ելույթ ունենալու տեւողության հետ կապված բազմաթիվ առաջարկներ ունեին, ուստի դրանք կքննարկվեն երկրորդ ընթերցման ժամանակ:
Հռիփսիմե ՋԵԲԵՋՅԱՆ
