«Ինձ համար զարմանալի բան չկա, այդպես էլ պատկերացրել եմ ՀՀԿ-ի գործողությունները: Այլ հարց է, թե ինչ կլինի 2018թ.՝ նախագահի լիազորությունների ավարտից հետո: Դրա պատասխանը չի տրվում: Քանի որ նախագահը չի հերքել, ենթադրում եմ, որ կառաջադրվի վարչապետի պաշտոնում»,-Aravot.am-ի հետ զրույցում անդրադառնալով ՀՀԿ համագումարում հնչած հայտարարությանը, թե առաջիկա խորհրդարանական ընտրություններում վստահության քվե ստանալու դեպքում ՀՀԿ-ի վարչապետի թեկնածուն լինելու է վարչապետ Կարեն Կարապետյանը, ասաց ԱԺ պատգամավոր, «Լուսավոր Հայաստան» կուսակցության խորհրդի նախագահ Էդմոն Մարուքյանը:
Խնդրեցինք կարծիք հայտնել Արմեն Աշոտյանի դիտարկման շուրջ, թե մյուս քաղաքական ուժերն էլ պետք է ներկայացնեն վարչապետի իրենց թեկնածուին: Էդմոն Մարուքյանը տեղեկացրեց, որ «Լուսավոր Հայաստանն» այդ հարցը քննարկում է, առաջիկա խորհրդարանական ընտրությունների մասնակցության վերջնական ձեւաչափ դեռեւս որոշված չէ:
Մեր զրուցակիցը նաեւ կարծիք հայտնեց, որ ՀՀԿ-ն, հայտարարելով վարչապետի իր թեկնածուի մասին, փորձում է ճնշել ընդդիմությանը:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
