«Իրանը եւ Ադրբեջանն ունենալու են տնտեսական, քաղաքական եւ մշակութային հարաբերություններ: Իրանը ՀՀ-ին միանշանակ դիտարկում է որպես բարեկամ երկիր, բայց դա չի նշանակում, որ Ադրբեջանի հետ փակելու է սահմանները, պատերազմ է հայտարարելու, դադարեցնելու է աշխատանքները»,-«Տեսակետ» մամուլի ակումբում այսօր անդրադառնալով Իրան-Ադրբեջան հարաբերություններին, ասաց իրանագետ Վարդան Ոսկանյանը:
Նա համոզմունք հայտնեց, որ Իրանի հետ օրակարգը սահմանելիս Հայաստանին չպետք է հետաքրքրեն Ադրբեջան-Իրան հարաբերությունները. «Իրանը երբեւէ չի մասնակցել եւ չի մասնակցելու ՀՀ-ի մեկուսացմանը եւ շրջափակմանը, եւ դրա հեռանկարը հետապնդող որեւէ ծրագրի: Իրանի շահերից չի բխում, որ ՀՀ-ն լինի թույլ եւ մեկուսացած երկիր»:
Փորձագետը նկատեց, որ Հայաստանն Իրանի միակ քրիստոնյա հարեւանն է, իսկ Իրանը հանդես է գալիս միջկրոնական հարաբերությունները պահպանելու օգտին. «Մենք շրջապատված ենք մահմեդական պետություններով, իսկ Իրանը որպես շիայական աշխարհի առաջնորդ, մեզ համար կարեւոր է նաեւ կրոնական երկխոսության համատեքստում»:
Կարդացեք նաև
Լուիզա ՍՈՒՔԻԱՍՅԱՆ
