Երեւանի քաղաքապետարանի տրանսպորտի վարչության պետ Հենրիկ Նավասարդյանն այսօր Երեւանի ավագանու նիստից հետո, պատասխանելով հարցին, թե հասարակական տրանսպորտի ուղեվարձի թանկացում սպասվո՞ւմ է, ասաց, որ նման խոսակցություն այս պահին չկա:
Aravot.am-ի հարցին, թե տրանսպորտային ցանցի փոփոխությունն ինչպե՞ս է տեղի ունենալու` աստիճանաբա՞ր են միկրոավտոբուսներից` «գազելներից» անցնելու ավտոբուսներին, թե միանգամից, պարոն Նավասարդյանը պատասխանեց. «Եթե երթուղային ցանցը մշակված, հաստատված լինի, այդ ամբողջը կտեղեկացվի ե’ւ օպերատորներին եւ այն կազմակերպություններին, որոնք ցանկություն կունենան ներդնելու, որոշակի ժամանակահատված կլինի դրա համար»:
Մեր այն հարցին էլ, թե այն «գծատերերը», որոնք ներդրումներ են արել, վարկերով են գնել իրենց շարժակազմը, ի՞նչ պետք է անեն, Հենրիկ Նավասարդյանը պատասխանեց` միկրոավտոբուսները վաղուց են գնել եւ նրանց տարիքային ժամկետն է լրանում, վարկերն էլ վաղուց փակել են:
Կարդացեք նաև
Լուսինե ԲՈՒԴԱՂՅԱՆ
