«Կուսակցությունների մասին» օրենքի նախագծի քննարկման ժամանակ արդարադատության նախարար Արփինե Հովհաննիսյանն իր ամփոփիչ ելույթում անդրադարձավ պատգամավորների առաջարկներին: Նա ասաց, որ կուսակցությունների ֆինանսավորման խնդիրը իսկապես վերանայման կարիք ունի եւ հորդորեց բանաձեւ ներկայացնել՝ ինչպես, ինչ սկզբունքով ֆինանսավորումը մեծացնել, որ մոդելը վերցնել:
Էդուարդ Շարմազանովն առաջարկել էր, որ այն կուսակցությունը, որը 15 տարի ընտրություններին չի մասնակցում, ինքնալուծարման գնա: Արփինե Հովհաննիսյանը չընդունեց առաջարկը, որովհետեւ, ըստ նրա, դա ավելի մեծ վտանգ ունի: Կուսակցությունները կսկսվեն հիմա էլ ձեւականորեն առաջադրվել ու մյուս խոշոր կուսակցություններից ֆինանսավորում մուրալ, բանակցությունների մեջ մտնել: Երբ արհեստականորեն կուսակցությանը դրդում ես ակտիվության, կփորձի ինչ-որ կերպ սպառել դա:
Ելույթից հետո նախագիծը դրվեց քվեարկության եւ առաջին ընթերցմամբ ընդունվեց 99 կողմ, 1 դեմ, 3 ձեռնպահ ձայներով:
Կարդացեք նաև
106 կողմ, 1 դեմ եւ 1 ձեռնպահ ձայներով ընդունվեց նաեւ «Մարդու իրավունքների պաշտպանի» մասին օրենքը, որը նոր Սահմանադրության պահանջն էր:
Հռիփսիմե ՋԵԲԵՋՅԱՆ
