Տաջիկստանի Գիսար քաղաքում տեղադրվել է հուշարձան՝ նվիրված երկրի նախագահ Էմոմալի Ռահմոնի «Տաջիկները պատմության հայելում» գրքին: Բացված գրքի տեսք ունեցող հսկայական քանդակը կշռում է մեկ տոննա, այն ունի 4 մետր բարձրություն և 6 մետր լայնություն: Այս մասին հաղորդում է «Ազատություն» ռադիոկայանի տաջիկական ծառայությունը:
Վերջին 20 տարվա ընթացքում Ռահմոնը գրել է ավելի քան 20 գիրք: «Տաջիկները պատմության հայելում» գիրքը լույս է տեսել 2002թ., դրանում պատմվում է 5000 տարվա ընթացքում տաջիկների ճակատագրի մասին:
Հուշարձանը ժամանակավորապես տեղադրվել է Գիսարի քաղաքապետարանի դիմաց, որտեղ բերում են դպրոցականների, որպեսզի նրանք դաստիարակվեն հայրենասիրության ոգով: Շուտով քանդակը կտեղադրվի քաղաքի ամենաբանուկ կենտրոնում:
Քանդակը պատրաստվել է նախագահական դպրոցի ուսուցիչների նախաձեռնությամբ՝ տեղի ձեռնարկատերերի միջոցներով:
Կարդացեք նաև
Տաջիկստանի օրենքները չեն թույլատրում հուշարձան կանգնեցնել Ազգի առաջնորդին նրա կենդանության օրոք, սակայն Գիսարի կրթության ոլորտի աշխատակիցները այլ ելք են գտել իրենց հարգանքը ցույց տալու:
Քննադատները նշում են, որ երկրում ուժգնացել է անձի պաշտամունքը. եթե նախկինում նախագահին ձոնում էին պոեմներ և էսսեյներ, ապա այժմ հուշարձան են կանգնեցնում նրա գրքին:
Պատրաստեց՝ Վիկտորյա ԱՆԴՐԵԱՍՅԱՆԸ
